Félagsvísindastofnun Háskóla Íslands

Starfsemi Félagsvísindastofnunar

Félagsvísindastofnun er rannsókna- og fræðastofnun innan Háskóla Íslands og heyrir undir þrjár af deildum skólans, félags- og mannvísindadeild, félagsráðgjafardeild og stjórnmálafræðideild. Stofnunin sinnir rannsóknum, ráðgjöf og þjónustuverkefnum sem tengjast viðfangsefnum félagsvísindanna. Hún hefur á að skipa vel á annan tug starfsmanna.

Undir hatti Félagsvísindastofnunar eru starfrækt 14 rannsóknasetur og rannsóknastofur á fræðasviðum deildanna þriggja sem að stofnuninni standa, auk þess sem stofnunin er í nánu samstarfi við fræðimenn deildanna og aðrar rannsóknastofnanir innan Háskóla Íslands og utan.

Stofnunin hefur verið starfrækt frá árinu 1986 og er því ein elsta og öflugasta stofnun sinnar tegundar á Íslandi.

Nánari upplýsingar má fá hjá verkefnisstjórum Félagsvísindastofnunar í síma 525 4545 eða með tölvupósti á netfangið felagsvisindastofnun@hi.is.